255 जना ले पढेको
प्रशासन कै मिलोमतोमा ईशनाथ नपा अन्तर्गतका नाकाहरुबाट तस्करी हुँदै
रौतहट ३१ असोज । रौतहटको ईशनाथ नगरपालिका अन्तर्गत लतमरी, मठिया, जयनगर, औरैया, बन्जरहा र सानो घिउरा सिमानाका क्षेत्रमा प्रहरीकै सेटिङमा अवैध धन्दा फस्टाएको छ । 
कतिसम्म भने हुण्डी कारोबारी देखि लागुऔषध कारोबार गर्नेहरुले समेत प्रहरीले सँग सेटिङ मिलाएका छन् । नेपाल प्रहरी र सशस्त्र प्रहरी मठियाका प्रहरीले घुमुवाका रुपमा खटाएका छन् । कपडा र भैंसी तस्कर देखि लागुऔषध कारोबारी र हुण्डी कारोबारीसँग समेत मासिक दररेट तोकेर पैसा उठाउन थालेको स्रोत बताउँछ ।
रौतहटको जिल्लाको ईशनाथ नाकाबाट अबैध कारोबार गर्ने कारोबारीहरु संग मोटो रकम लिएर घुमुवाले नै संरक्षण र स्कटिङ गर्ने गरेको एक जना स्थानीयले नाम नखोल्ने सर्तमा बताएका छन् । 
अहिले भारतीय बजारबाट अवैध मार्ग हुँदै कपडा ,कस्मेटिक, तयारी पोषाक, मोटर पार्टस, पानी तान्ने मोटर, हार्डवेयर, इलेक्ट्रोनिकका सामान र सुटिङ सटिङका सामानहरु सूर्तीजन्य पदार्थ,चिनी, किरानाका सामानहरु खुलेआम तस्करी हुदै नेपाल भित्रिरहेको छ ।
सानो घिउरा र रामनगर नाकाबाट कपडा र भैंसीको तस्करी तीब्र रुपले बढेको छ । सानो घिउरा र रामनगर, नाका हुँदै जयनगरको बाटो रातिको ९ बजेदेखि बिहानको ४ बजेसम्म भन्सार छली गरेर तस्करीको कपडा पिकअप भ्यान र मोटरसाइकलका माध्यमबाट नेपाल भित्र्याउने गरेका छन् । 
लतमरि र मटियाबाट एक/ दुई नामका तस्करका समुहसंग मोटो रकम बुझी पिकअप र मोटरसाईकल प्रयोग गरी रातभर चिनी चामल कपडा र जुत्ता चप्पलको तस्करी गर्न लाइन दिएका छन । बन्जरहा र औरैयाबाट एक अर्को तस्करले पनि हार्डवेयर,सुर्तीजन्य पदार्थ ,कष्टमेटिकको लाइन पाएको हो ।
यस्तै इशनाथका र विभिन्न नाकाबाट रातभरि मोटरसाईकलको माध्यमले चामल चिनी कपडा तस्करी गर्न तस्करका समुहले लाईन पाएका छन । ईशनाथ नाकाबाट फेरि अर्को तस्करीका समूह लगायतका कारोबारीहरुले मोटो रकम नजराना बुझाएर राती राति राँगा र भैसीहरु नेपालमा भित्र्याउने गरेका छन्।ईशनाथ नाकाबाट नयाँ ग्रोपको समूहले कपडा तस्करिको ठुलो लाईन पाएका छ्न ।
